قصيده طول ما العين بتبات معصوبه للشاعر سيد صادق

طول ما العين ب تبات معصوبة ..
والظلم حيطانه ب تعلي بطوبه ..
طول ما الأيه اللي بنقراها ..
ب نقراها دايما .... مقلوبة .
طول ما العدل عينيه مغمية ..
والفتنة بفتوي بقت محمية ..
طول ما هي تايهه ..
طول ما هي جايه تملي عليا
يبقي سﻻم بقي للاحﻻم ..
والوطن بقي ف اﻻفﻻم ..
وبكرة بقي شكل امبارح
وامبارح بقي ماشي قدام
متعكز وماشي بصعوبة .

طول ما هي ماشيه اكنها غابه ..
طول ما العيشه ف حضن ديابه ..
طول ما رهاننا طالع خسران ..
لما لعبنا ... ملك وكتابة .
طول ما الدمعة ساكنة العين ..
وظلم الظلمه مﻻ الزنازين ..
طول ما الفجر ملهوشي ادان
وبيحلالنا قولة اسفين ..
يبقي سلام بقي للاحﻻم
والوطن بقي ف اﻻفلام
وبكرة بقي شكل امبارح
وامبارح بقي ماشي قدام..
متعكز وماشي بصعوبة .

سيد صادق