قصيده حديث البحر للشاعر سعيد عبد القادر

 حديث البحر)

يا بحر يا هايج
امواجك ما ترهبنى
ما دمت انا فايق
ﻻ شئ يخوفنى
ﻷن انا عارف
اجلى هيغلبنى
مسيره يجى يوم
معادى و ياخدنى
يا بحر ابعت سﻻمى
لمها حبيبتى و غرامى
قول لها اوعى تنامى
من قبل ما تبعت سﻻمى
يا بحر حملتك امانه
اشواقى زى الحمامه
وصلها من غير ملامه
دى هى ليا اﻻمانى
بلغها شوقى و حبى
و هواها الساكن ف قلبى
يوماتى بدعى لربى
ارجع و اشوفها بسﻻمه
سمعت عنك مأسى
و عرفتك غدار و أسى
فى حضنك خايف بأسى
ﻻتغدر و تنسى اﻻمانه
خوفى مش من نهايتى
وسط قوة وجودك
لكنى يا بحر خايف
ﻻتخلف معايا وعودك
افكرك يا بحر تانى
بحبيبتى روحى و كيانى
قول لها اوعى تنامى
من غير ما تبعت سﻻمى
دى هى كل حياتى
و هى ليا اﻻمانى
ليكى شوقى و حبى
وحدك يا ام سامى

كلمات
الشاعر سعيد عبد القادر