قصيده جرحتك للشاعره ايزيس غانم

قصيدتى \\ جرحتك...كامله..

_____________
جرحتك ومش عارفه أطبب
جرحك المفتوح....
كأنى بسن سكينتى دبحت
جوه منى الروح...
فحاسبنى ..وعاتبنى ..
وخلّى صرختك سكين...
سكوتك ..موّت الفرحه ..
وموّت دمى ف الشرايين...
فعود لابتسام روحك ..
يا أجمل روح يا نور العين...
وسامحنى .وخلينى .
أداوى جرحك المفتوح...

خيولى ف ملعبين عينك
خيول جامحه...
تخطى موانع الأحزان ..
عشان تهديلك الفرحه...
خيولى ف الحروب جارحه..
صهيلها رماح وبحر غضوب
وموج عاتى....
لاكن على بابك المجروح...
تهدّى الخطوه وتتاتى..!!
فعود بيا لابتسام روحك
يا أجمل روح..
جرحتك ..بس صاب جرحك..
جوه منى الروح..
فسامحنى وخلينى ..
أداوى جرحك المفتوح...
أنا عارفه إنى نور عينك
وروح قلبك....
لكين إنت اللى قستنى
ف لحظة ما ابتديت عندك...
ركبت حصانك المجنون
وصابتنى سهام غضبك..
فكنت الجارح الأول ومن جرحى
فتحت ف مهجتك جرحك...!!
فسامحنى يا روح الروح
يا نور العين ...
وخدنى ف حضنك الدافى
نداوى ..بالدفا جرحين..!!

______________________
قصيدة \جرحتك..
كلمات ..إيزيس غانم..