قصيده خلص الكلام للشاعر محمد سالم

خلص الكلام
*************
خلص الكلام وإتبدلت كل الخطوط
عايشين حزانى مستنين الموت
نفس إنبهار العين بكل شىء مخطوط

صرخه وصوت مكبوت
شبه الكفن وسط التابوت
توب الغلابة والطيابه وعيال كتير بتموت
مرض الجسد والدنيا ساعات وتفوت
ولكل واحد أجل ولكل شىء ملكوت

زمن وفيه التراب أغلى من الإنسان
وكله شايل همه وكل شىء بأوان
وفى وسط موج الغرق يحلم ببر أمان
لكن صراع البشر قبل الزمان بزمان
طمع الخلايق ظهر وكله بالمجان

وهى أصل المعضلة خيوط كتير متبرجلة
توهه وريح عاتية والعتمة متشكلة
حتى الخطوط السودا فى زمانا متلونة
وفى وسط الطوفان الخلق باللهم متسلسلة

خلص الكلام وإتبدلت كل الخيوط
نفس الورق نفس الخطوط

نفس موجه كدب داير على البيوت
وهما نفس البشر عايشين مع الطاغوت
يوم يحلموا يوم يندموا يوم يفهموا
يتمنوا بس الموت
محمد سالم