طبيب طببت وجع القلوب بقلم ابتسام عوض حسن

طبيب
طببت وجع القلوب
وانا اللي وجعي
غاير
ولملمت غزل الحراير
وهديتهم
لكل
قلب اتوجع
ولكل قلب حاير
وحلفت قلبي غالي
ورمتلي خالتي
الودع
قالت يا ظلم الليالي
يابنتي قلبي
اتفزع
من اللي شوفته
هوايل
وهوايا قلب سموم
ومين جفاه النوم
حتى الطبيب
محموم
ومين يشارك وجعه
ده لكل موجوع
ليه تبعه
يا حيزني
عليك يا قليب
لما تكون وسط ناسك
بس الحقيقة غريب
وضاع من الجفا
احساسك
ويقولوا انت الطبيب
والدوا في كراسك
عجيب يا دنيا عجيب
اللي اتسجن احساسه
ولا انكتب له دوا
ولا فتش في كراسك
بقلمي الشاعرة المجهولة ابتسام عوض حسن