مفاجأت فجأه........ نزل علينا المطر بقلم رضا أبوحسين

مفاجأت
فجأه........ نزل علينا المطر
غيم ليالي القمر
بردت مشاعرنا
تاه الطريق منا
وبقينا ناس غيرنا
ع الحب مش قادرين

فجأه .... نزل المطر ف الصيف
بدل ربيعنا خريف
سألنا واحترنا
فين راحوا احبابنا
ليه يبعدوا عنا
ومصيرنا مش عارفين
فجأه ... لقينا ناس بينا
وحدود بتفصلنا
وهموم من الغيره
وبحور من الحيره

وتعبنا م السيره
سيرة كتيرعاشقين
فجأه .. وبعد ما احترنا
ظهرت ياقدرنا
وعرفنا اى مصيرنا
قال جاى لنا زمانا
علشان يخيرنا
لقانا .... مختارين
وبجد دى مفاجأه
ف الوحده مرتاحين
رضا أبوحسين