امسح بايدك دمعته
=============
بقلم الشاعر المصرى/احمد ابراهيم
======================
لما اليتيم يصرخ
بين الدروب محتاج
قدّم ببسمة رضا
طبطب عليه واحضنه
رب العباد عالم
انه فقير محتاج
ماشي جريح جوها
جبال الحياة تألمة
مين فينا حن عليه
مين فينا بجرحه وداق
ليه فينا م القسوة
ليه فينا ناس تظلمه
فينا اليتيم باكى
بين الدروب مجروح
مين فينا حن ف يوم
وقف سمع شكونه
لما الفقير مظلوم
وسط الهموم عايش
مين اللى قال يبكى
وتموت هنا فرحته
سيدنا الرسول طبطب
ماسح على جبهته
لما اليتيم يبكى بأيدة الطهرة
يمسح الالم دمعته
سيدنا رسول الله
وصانه على يتمه
محتاج لحضن امان
يرسم على خدو
ينسى اهات حرمان
يبداء يعيش فرحو
ليه فين المحتاج
يصرخ ومين سمعه
بين الدروب تايه
ايده على خدو
ليه فين م القسوة
نخطف سنين فرحو
بين الدروب باكى
باكى هنا وحدو
=====================
بقلم الشاعر المصري/احمد ابراهيم
ليست هناك تعليقات:
إرسال تعليق