اهداء الى نصر اكتوبر ببركة رمضان.بقلم الشاعر الرائع / أنا مصرى

انا مصرى

اهداء الى نصر اكتوبر ببركة رمضان

ست سنين
والاسد الرابط
فوق الجبه
نفسه يحارب
غالب راجع
لا مغلوب

دايب حبه
فيك ياوطن
وصابر صبره
ع المكتوب

شايف سينا حزينه
وقلبه بينزف
حيره وشوق

هل شهر الصوم
ولبى صام وذكا
وبتدا الليل اللى
فارد ع المدا ظله
خيوط الفجر
بتنور يبان ضيه

تشرق الشمس اللى
جيباله البشاره
هب قوم يا اسد
يا بو الحضاره

زلزل خطاويهم
وعدى خط
برليفهم بميه
يتزرع فيهم مراره

رغم صهد الشمس
وصيام الجنود
يصرخ الصوت
اللى ساكن
ف الضلوع
الله اكبر الله اكبر

يكبر النصر
ف عروقهم
على صوت
نداك ياوطن
يتبل ريقهم

يتغرس علمك
ع رمال
والمحال اتحال بايدهم

يافرحة الفطر
باذان المغربيه
وفرحة النصر
اللى صار اكبر هديه
برجوع سينا
ويا صمودهم