ما بكلمهاش بقالي ايام بقلم ا لشاعر علاء زايد

ما بكلمهاش
بقالي
ايام
زعلان معاها
علشان
ما بتسمعش الكلام
كل ما اقولها
تعمل حاجه
ما تعملهاش
وتقولي
كله تمام

وعارفه
ان انا
بزعل
من اقل حاجه
وعلي

اهون الاسباب

ما بكلمهاش
بقالي
ايام
ما سمعتش صوتها
واحنا الاتنين
ف نفس المكان

ولا اطمنت عليها
وانا هنا
وهنا
هيا كمان
ودايما قافله
الباب
والشباك

لا ارتاحت هيا

ولا انا
برضه يا ناس
مرتاح
بس
العناد
سبب الخصام

و قلوبنا
بينوبها
ايه الا

العذاب
دا غير تعب الايام
والليل
واساه
ما بكلمهاش
بقالي ايام

مش عارف
بس ازاي
هنكمل
مع بعض الحياه
لا بتمشي
معايا
مشواري
من سكات
وان مشيت
خطوه ف سكتي
ترجع ما تكملهاش
وتقولي بلاش
اصل بخاف
بقا دا اسمه كلام
ما بكلمهاش
اشكيها
للعشاق
ولا
من ايدها اخدها
اوديها لابوها
وارجع من ع الباب
واسيبها
ف مرار
مع الافكار
ليل نهار

علاء زايد
من ديواني
الموثق