مِش عارف
**********
مش عارف
أخرِتها إيه مَعاكِ
ولاقادر إن أنساكِ
ولا عارف أبدأ مِنين
أبدأ من النهارده
ولا من سنين
أبدأ من يوم مَعرِفتِك
ولا بدايه الأنين
مش عارف
مِش عارف أبدأ مِنين
أحكي عن حُبي ليكيِ
ولاعن سِحر عِنيكيِ
ولا قَلب سَلِمتُه ليكيِ
وياريتِك صُونتيه
إتعَمِدتي الإهانَه
وَصَمتيني بالخيانه
وِرِضِيت أنا بالمَهانه
ومِش عارف أخرِتها إيه
أشكيِ ولا أبكيِ
مِن إيه ولا إيه ولا إيه
مِن جرح ماله دوا
ولا العِشق والهَويَّ
ولا ليالي الجَويَّ
أشكيِ الحُب إللي كان
وحِلم حِلمناه زَمان
ولا ذُل وهَوان
طَب أشكيِ !!!
من نَفسيِ الحَنين
ولا الشُوق والأنين
وظُلم وعَذاب سِنين
مش عارف أبدأ منين !!!
مش عارف
صفاء عبد ربه
ليست هناك تعليقات:
إرسال تعليق