ذكرى تموت
،،،،،،،،،،،،،،،،،،،،،،
بنتقابل ونتفرّق
ونمشى كتير كتير مسافات
ساعات فى وش بيعلّق
ووش يموت مع اللى مات
وبين آهه وبين دمعه
بنصحى نِحِن للى فات
كتير نندم ونتخيّل
ماضى خالى من الأنّات
ونسترجع وشوش فاتت
ما باقى منها غير لحظات
نعيش ويّاها ضحكتنا
وتخلق جوّه منّا آهات
لكن وف لحظة منسيّة
بتفضل جوّه منّا حاجات
تحن لذكرى يوم مرّت
كنتِ الروح وكنتِ الذات
لكن دلوقت خطوتنا
بقت بينّا وبينها شتات
وآه يا خسارة على اللى مات ،،،،
بقلم / إبراهيم فهمى المحامى
28/8/2015
ليست هناك تعليقات:
إرسال تعليق