يصرخ فينا مكتوبنا للشاعر محمد سالم

يصرخ فينا مكتوبنا
*********
والحزن اللى داب ف قلوبنا والدم اللى سال ف دروبنا
وموتنا وإحنا مش حاسين وعشنا نخفى ف عيوبنا
نداوى جرحنا فينا وتتبدل معانينا ويصرخ فينا مكتوبنا

سواقى تدور فى غش وزور وتزرع نبض ف ذنوبنا
نعيش ف النار وصوت جبار بيصرخ لو نقول توبنا
نخاف الموت وعمر يفوت ونحزن إننا شيبنا

سنابل شر طرحت مٌر وقلب الليل تعذبنا
ووسط ضلام مع الأحلام نلاقى دموعنا تغلبنا
ونصبح نشكى ليك يازمان ونلقى الشوك ملا توبنا
محمد سالم