قصيده نام ياقلبى للشاعر كرم شحات

..... نام يا قلبى ..........

يا ترى فاكرانا لسه
ولا فيها الماضى مات
طب وحبى لسه فاكرة
والحكاوى بالسعات
والليالى والأمانى
اللى باقية بين كيانى
برضه باقية بين كيانها
ولا صَبحت ذكريات

يا ترى حاسة اللى بيا
من حنين جارف كبير
دا اللى باين من عنيا
شرحه مش محتاج كتير
بس هى تبص مرة
والعيون تتلاقى تانى
راح نعود عشاق بنظرة
قبل ما تمر الثوانى
ولآ نسأل ف اللى فات

روح يا شيخ الله يسامحك
ياللى موجود بين ضلوعى
كل ما اتعود غيابها أو أحاول
ألتقيك تخلف ف طوعى
نام يا قلبى لجل خاطرى
إتخمد أحسن وكبر
إيه يدلك إن هى
تانى ممكنفيك تفكر
نام يا قلبى من سُكات

# كيمو #