《آهي دنيا》.بقلم الشاعرة المتألقة / أمل صالح

《آهي دنيا》

آهي دنيا ويللا وبنعيشها
ايام آهي فيها وبنشوفها

بنفكر فيها وناسيانا
دايماً بنحن وجفيانا

شاريينها ودايما بيعانا
وننده وقال مش سمعانا

وتقول مش سامعه معلشي
دانا سامعي تقيل ومبسمعشي

قال فاكره اننا هنصدقها
ونحن ونرجع نعشقها

دايماً كدابه ومغروره
تيجي تضحكلك تديها صوره

وف ضهرك تضحك علي خيبتك
م انت مصدقها عشان طيبتك

ومعاها عشان م احنا غلابه
مليانه ي قلوبنا طيابه

تضحكلنا نجري عليها
مدالنا ي عيني لإيديها

تسحبنا لسابع سما زرقا
وتقول هنقذكم م الغرقه

تعمل نفسها باكيا علينا
تتسحب وتشد ايدينا

اتاريها عملالنا مصيبه
ونقول منها م تخرج عيبه

تسلب مننا ارادتنا
وبالوهم تحليلنا حياتنا

ونسلم نجري قوام ليها
حاسين اننا عايشين بيها

يبدأ يبان لنا حقيقتها
سودا والغدر في طريقتها

وكنا فاكرينك جنتنا
اتاريكي غداره ي دنيتنا..

بقلمي..★أمل صالح★