ارجع متزودش الجراح
انا يامه راحل ادور
على وطن تانى يمكن ارتاح
وطن مفهوش قتل
مفهوش خيانة
وطن لسة ليه صباح
هقعد هنا لمين
بعد ماراح اللى راح
فين يامه ايام الهنا
ولعب الصبا فى كل صباح
ولا فين الزرع الاخضر
وورق الشجر
والورد بعطره الفواح
ولا صوت الناى لما يغرد
لو شعاع الشمس لاح
خلاص يامه الوطن ضاع
ومعدش غير بكاء ونواح.....
....لا يابني
الوطن غالى لو سيبته
هتعيش فى البلاد سواح
هتشوف ناس مش ناسك
ومحدش هيداويلك جراح
هنا يابنى امسك فاسك
وبالجد والفلاح
الزرع يرجع اخضر
وورد الجناين يطرح
وتعيش وسط اهلك مرتاح
بس الصبر يابنى
للمنكوبين مفتاح
بلدك امانة عليك
متسبهاش لسفاح
هتاخد ايه من الغربة
غير حسرة وندم على وطن راح
بقلمى سلمى السيد
ليست هناك تعليقات:
إرسال تعليق