ساكت يا ليل للشاعرة //الهام شرف

ساكت يا ليل انا بسمعك
صوت صراخك عالى
المرة دى جاية ابكى
ونواحى يحلالى
شمس الضحى راح تغيب
وهقوله تعالى لى
اغلى حبيب فى الدنيا ليه
راح وما جانى
هو الضنا فيه غيره
على قلبى غالى
وحشتونى يا عيالى
سالت دموع العين
سهرت ليالى
استنى طيفهم
يقولولى وانا مالى
ودى قلبى عايش
غربته وحده
والغدر رمانى
خاين وناصف العدا
عليه يا زمانى
لا البال ولا النيه
ولا عينى يوم
رسمتلى ما جرالى
ما نايبنى غير الصبر
انا حافظة موالى