الشهامه والرجوله انقرضت من حياتنا ----------وبقى فى الكثره منا انسان جبان
انسان معدوم المروءه والانسانيه --------------------------انسان مجرد من الكيان
تلاقى الواحد منا عرض الحائط ----------------------او طول النخله ويعرش المكان
ولاقى صحته صحة ثور ------------------------يتعلق فى ساقيه او يحرث له فدان
ولو مر على اخوان بيتخانقوا -----------------------------يقف يتفرج او يراهن رهان
يراهن على مين يغلب مين ---------------ويراهن على من النعجه ومين الحصان
وتلاقيه ينتظر لغاية ما واحد يقتل الثانى------- وفى الاخر يمشى ويعمل عميان
ولو شاف حالة تحرش ---------------------------يقلك مدام بعيد عنى انا فى امان
ولو شاف واحد بلطجى او وقاتل ------------------------- يبعد بعيد ويهرب ولا يبان
ولو شاف كفيف فى شارع ----------------- يتركه ما يخدشى ايده ولو تاه توهان
ولو شاف واحد مريض بيموت ------------يقول يا عينى ويسال هو مريض من زمان
ولو اخوه طفل ضعيف يتيم ------------------------- ياكله حقه وهذا اضعف الايمان
ولو شاف عجوز فى اتوبيس ----------------يظل جالس مكانه وميسبلوش المكان
ولو صادفه واحد بيغرق ----------------------يسيبه يغرق ولا يعدهوش لبر الامان
ولو طلبوا منه الشهاده ---------------------------يشهد بالزور ويكون سعيد فرحان
ولو زوجته زعلت والدته ---------------------- يقف مع زوجته ضد اللى خلته انسان
ولو ابوه محتاج لمساعدته ------------------------------------يبد بعيد ويعمل طرزان
القلوب بقت زى الحجر -------------------- والعقول مغيبه الضميرنايم والبصر عميان
الامثله السابق على سبيل المثال---------- وجراب الحاوى معبى بلاوى ومليان
والكل عارف الصح من الخطا---------------------- والكل عامل نفسه موش دريان
ولمتى هنفضل على هذا الحال ----------- ومتى القلوب والعقول هيصيبها الليان
لو فضلنا كثير على هذا الحال ------------------ مفيش تقدم والطف بنا يا رحمان
ليست هناك تعليقات:
إرسال تعليق