قصيدة : مشّط قلبك بين ايديك للشاعرة المتميزة / إيزيس غانم

قصيدة ..مشط قلبك بين ايديك...

من ديوانى الثانى ...

ـــــــــــــــــــــــــــــــــــــــــــــــ

ـــــــــــ علمتنى ــــــــــــ

إنى أشوف نفسى بعينيك...

وقصاد مرايتى ..لما أشوفنى ..

أشوف كونى ...وأشوفك رب ...

بيحرص ..كل تكوينى ...

ـــــــــــ علمتنى ــــــــــــــ

لما افتكر صوتك ..أشوفنى ..

وإنت بتوصفنى ...!!

وكأن عينى ..مشافتش نفسى..

ولا حست إنى السيده...

ف عيون مرايتى ...

مش نرجسيه..ولا حب فيّا...

لكن عينيك..والنظره ديّا...

خلونى بيك أتباهى ...

واتباهى بنفسى....

حسستنى إنى إمرأه

وإن إكتمالى ...تم بيك..!!

حتى لما احتاج اسرح شعرى القى ...

مشط قلبك بين إيديك...!

فانسى مشطى ..لأنى حبّه ..

إنى أمشّط شعرى بيك...!!

ــــــــــــــــــــــــــــــــــــــــــــــــــ

إيزيس غانم ...