بحبك للشاعر // محمد عسل
- بَحبَك ..
- كلمه مش مستني تِحكيها...
- وعادي تغيبي طول العمر كتماها..
- وداري اللهفه جوه عنيكي ..
- خَبيها..
- وفوتي قصاد حروفي..
- وقولي نَاسياها.
- ونادي لإسمي بالألقاب..
- ونَقيها..
- أخي، أُستاذ،
- صديقي ف دنيا كارهاها..
- تعالي ف قلبي هاتي حمولك...
- إرميها..
- دُموعك عيني غابت عمر شارباها..
- ولو شُفتي كلام الحب جنب إسمي..
- بيندهلك ..
- تعالي وقولي مشغوله..
- وبعد شويه هاقراها..
- ولايهمك أنا راضي..
- وراضي تقولي بتحِبي حبيب غيري..
- تعالي بكدبه صَنعاها..
- وهعمل إني صدقتك..
- لكن عيني هتكشفني..
- ورجفة قلبي فضحاها..
- ويشهد ليا لما ف مره كلمتك..
- خلعت يوميها كل عقارب الساعه..
- وفاتت لحظه لسه بدوب لذكراها..
- ويشهد ليا لما لقيت حروف إسمك..
- كتبت قصيده هفضل عمري أقراها..
- ويشهد ربي إني بشوفك أطمن..
- وتيجي الدنيا فوق كفي وبلقاها..
- تصنفلي الفرح أنواع..
- وضِحكه فوق شفايفها..
- شفايفك إنتي راسماها..
- ويشهد إني دلوقتي..
- بقولك كلمه سامعاها..
- بَحبَك..
- كلمه مش مستني تِحكيها..
- وعادي تغيبي طول العمر كاتماها.
ليست هناك تعليقات:
إرسال تعليق