ف عنيك الحنان // للشاعره الهام شرف

النهارده احلى يوم فى الحياه......
انا شفت ف عنيك الحنان
بعد ما ضاع من زمان
حبيبى وف حضنك امان
قرب كمان
وقت النهار معاك صفا
راحة ودفا
تعال واحضنى كمان
ماشية معاك فى بستان
الورد يضحك وشوشة
وعيونه حاجة كويسة
ويميل ويرقص سهوكة
مكسوف ياعينى ع الوفا
شوف الحنين
والطير يرفرف بجناحاته
سامعين ءاهاته
وعنينا تضحك ضحكة حلوة
وتبتسم
وقلوبنا فرحتها عجيبة
تترسم
انا ببتسم
زى الفراشة بطير عليه
انا بين ايده
غمضت عينى وقلتله
النهارده حلو ليه
شفته ملاك فى السما
شفت اميرة بتترمى
شفت الملايكة
والزفة حلوة بالدفوف
جاية تطوف
انا فين
دى الجنة يلا يا محرومين
والليلة احلى من سنين
يا عيونى نايمين صاحيين
شفتى اللى ما شفتيه من سنه
والحلم فات
واليوم ده اصبح زكريات
والحب بيقولوا انه مات
لا دا اللى مات قلبنا