امانه يا والدى
من ديوان / وراح الخوف
للشاعر / مصطفى فريد
ألف فاتحة اقراها على روحك يا والدى
أمانة عليك تبوس لي إيدين جدى
ذكراك بتزرع فى القلوب فرحة بسيرتك
يا أغلى أب عند كل الناس وعندى
جوه دمى عايشه صورتك أحلى ذكرى
ما أنت ضى العين وانت النور لبكره
امتدادك بالامانه تلامذتك لساها فاكرة
صوت ضميرك فى الأمانة دليل وعبره
مشينا يابا فى دنيتك على خط سيرك
وفى حياتك كلنا عيشنا فى خيرك
لا اشتكيت الحمل ولا حضنك فارقنا
ويوم رحيلك كان أكيد مرتاح ضميرك
مش قادر اوصف جزء واحد من غلاوتك
ولا فيه كلام يقدر يعبر جوه منى عن اصالتك
ياللى حبيت الغلابه حاربت علشانهم ديابه
ربتنا على حب الصحابه والمهابه من مكانتك
ليست هناك تعليقات:
إرسال تعليق