العاشق بقلم/ اشرف محمد محمود فرج
- بعثت لك مع الهوا بدل الرسالة كتاب
- جمعت لك شوقى ولهفتى وكتبتهم في أول باب
- والمحبه كتبتها ووزعتها من غير عتاب
- وكل صفحة كتبتها هتلاقى فيها جواب
- هتلاقى فيه عباره تقولك آه الشقى تاب
- جب وتعب م الهوا دا طبع الهوا غلاب
- عاشق وطبع القلوب جراح
- دكتور ف الغرام وقلبى ف الهوا مرتاح
- الحب غيتى والعشق عندى مباح
- واعشق واحب وف الغزل مداح
- ابدأ نهارى بليل واودعه بصباح
- تعبت من آه الحب ونفسى يوم ارتاح
- نفسى افوق للدنيا واقول صباح الخير
- نفسي أعيد مشوارى ولو حتى أسير
- نفسي أودع قلبى واعيش بقلب الطير
- نفسى ابيع الدنيا واعيش العمر بخير
ليست هناك تعليقات:
إرسال تعليق