- ومين فينا عمره
- ماكنش الضحية...
- ومين عمره سرقه
- ف مليون قضية
- مابين هم نفسي
- بلملم في نفسي
- وبركب ضميري
- بيعطل شوية...!!
- وازقه واحايله
- بيرفض شمال
- ويعند ويقفش
- وزي العيال
- واطاطي وادادي
- واقول ماشي حكمه
- واخر المتمة
- يلم العزال...!!
- وانا عزالي رحمة
- وطيبة ومحبة
- وكام كلمة حلوة
- ف وش المسبة
- بقيت علي البلاطة
- ياعم الضمير
- هترجع موافق
- بلاش انفعال...!!
- بلاش تأسي ديما
- ونأحك يزيد
- ماكله بياكل
- وعايش سعيد
- يرد بغباوة
- هتعرف تنام
- هترمي ف جوفك
- لقمة حرام
- اطأطأ دماغي
- واطأطأ صباعي
- ولون وشي يقلب
- بلون بن خام
- كسفني ضميري
- بتعبير مجازي
- هتقبل لروحك
- تعيش دور سياسي..!!
- ماترجع لاصلك
- ودعبس في نفسك
- هتلقي ان صورتك
- بياضها كتير
- هتنزل لتحت
- هتبقي اتمسحت
- وعيب تبقي شحط
- ومفلس ضمير...!!
جريده/شعريه,ثقافيه,أدبيه,فنيه,متنوعه
الاثنين، 16 نوفمبر 2015
ومين فينا عمره ماكنش الضحية... بقلم ...احمد الصارم
الاشتراك في:
تعليقات الرسالة (Atom)
ليست هناك تعليقات:
إرسال تعليق