سلسله العلم والايمان الحلقه 19...بقلم ... د عمرو لطفي ,,,
- عيب خلقي بيحصل في القلب وصفه بالتفصيل عالم فرنساوي اسمه اتيان فالو,,,,بيحصل فيه تغيرات تشريحيه في القلب ,,,وهما بيبقوا اربع غلطات او تغيرات علشان كده اسمه في المراجع رباعيه فالو
- العادي ان الدم بيطلع من الرئه وهوا محمل بالاكسجين ,,ويروح للقلب اللي بدوره بيضخه بقوه الي جميع انحاء الجسم علشان يودي الاكسجين ده للاعضاء المختلفه ويتحمل بثاني اكسيد الكربون ,,وويلف ويرجع القلب تاني اللي بدوره بيضخه الي الرئه ,,,علشان تنقيه وتنضفه وتشيل منه تاني اكسيد الكربون ويرجع تاني يتحمل بالاكسجين,وهكذا
- الاطفال دول بيتولدوا بعيوب تخلي الدم تقريبا ما يعديش علي الرئه الا جزء بسيط منه ,,وويفضل يلف كده في الجسم وهوا مش متعبي بالاكسجين
- ازاي ,,,بيبقي فيه تضخم يؤدي الي ضيق شديد في الشريان الرئوي وده الطريق الرئيسي اللي الدم المش نضيف بيخرج منه للرئه ,,مش كده وبس ده بيبقي فيه فتحه بين البطين الايمن والايسر يعني الدم بيلاقيله سكه يزوغ من الانسداد ده ويلف في القلب من غير ما يروح الرئه ,,ده بدوره بيخلي البطين الايمن جداره يتخن جدا ,,مع ان الاورطي بيبقي وضعه متغير ويساهم في زياده الضغط جوه الشريان الرئوي
- دول هما الاربع تغيرات اللي بتحصل في القلب
- بينتج عن ده ان نسبه الدم الغير مؤكسد بتزيد في الجسم فالطفل بيبقي لونه ازرق علشان كده اطلق عليه متلازمه الطفل الازرق
- وبيبقي درجته علي حسب شده الانسداد اللي في الشريان الرئوي ,,,كمان وسع الفتحه اللي بين البطينين
- وبيقي اي طفل مولود بهذا العيب تقريبا محكوم عليه بلاعدام لان اغلبهم بيموتوا وهما اطفال
- كان ساعتها في اوائل القرن ال19 فيه اعتقاد ان لا يمكن اجراء عمليه علي قلب طفل لان ده معناه ان لازم يوقفوا القلب وساعتها مكانش فيه اي وسائل لقلب صناعي او كده
- جه دكتور جراح اسمه بلا لوك ,,,وكان بيعمل ابحاث علي الصدمات النزفيه ,,,وشاف طفله عندها هذا المرض ,,,وكانت حالتها متاخره لدرجه انهم قالوا مش حتعيش اكتر من 6 شهور
- كان معاه دكتوره قلب ,,,وكان معاه شاب ملون افريقي امريكي اتعرف عليه وخلاه يشتغل معاه في رعايه الكلاب اللي كان بيجري تجاربه عليهم
- والشاب ده كان اسمه فيفيان توماس ,,,,المهم هذا الشاب لم يدخل كليه الطب والا حتي كمل دراسته الثانويه ,,,انما كان بيشتغل نجار وكانت ايديه حلوه اوي ,,,الشاب ده قعد يقرا في الكتب العلميه بتاعت بلالوك .,وبقي المساعد بتاعه اللي بيجهزله الكلاب ويكتب معاه النتائج الطبيه
- وفهم يعني ايه رباعيه فالوت ,,,واوحي لبلالوك بفكره ان اذا كان احنا مش قادرين نقرب من القلب طب ما نعمل توصيله بين الشرايين تخلي الدم يرجع تاني للرئه من غير ما يعدي علي الانسداد ده
- وبالفعل ابتدوا يجربوا انهم يوصلوا اي فرع من الشريان الاورطي باي فرع من الشريان الرئوي بره القلب وبالتالي الدم اللي حيخرج من القلب حيلاقيله سكه تانيه يروح بيها الرئه ويتنضف ,,,
- وبالفعل جربوا الطريقه دي علي الكلاب ,,ونجحت
- ومفاتش وقت كبير الا وقرر بلالوك انه يعمل عمليه التحويل ده للطفله اللي شافها ,,,وجاب معاه مساعده توماس ده علشان يعيد معاه ترتيب الخطوات من غير ما يحط ايده في العمليه لان بالفعل كان ممنوع اي حد يجري عمليات الا اذا كان خريج من كليه الطب ,,
- ونجحت العمليه نجاح باهر ,,,,ونال بلالوك جائزه نوبل في الطب عن هذا الانجاز,,,
- اما توماس فمحدش افتكره خالص في انه بالفعل صاحب الفكره والفضل الاول في العمليه بس مش دكتور ,,,,الا بعد ما مات بلالوك تدرج توماس لانه اصبح مدير المعامل ,
- ,وفي اواخر الستينات وتقديرا من الجامعه لمجهوده وفكره تم منحه الدكتوراه الفخريه واصيح دكتور في الطب رغم انه لم يحضر اي محاضره في كليه الطب ,,ومش كده وبس اتحطت لوحه ليه بجوار لوحه بلالوك في بهو جامعه جون هوبكنز في وسط اساطين الطب من خريجي الجامعه
- دلوقتي رباعيه فالوت بتتعالج بعمليه يتصلح فيها كل العيوب بفضل بلالوك وتوماس اول من كسروا التابوهات بتاعه جراجه القلب وكانوا الرواد في هذا المجال
- خلصت حلقه النهارده ,,اتمني انها تكون عجبتكم
- نتقابل في حلقه جديده ,,,
ليست هناك تعليقات:
إرسال تعليق