- النخلة جوا البيت
- والبلحة وردية
- ع الردمة أو ف الغيط
- يتلموا حواليا
- حافين ولاد الحي
- كام بنت أمورة
- ما أحلاة بنت الموت
- فى الأصل والصورة
- بتلعب ( الحجلة )
- و( أ تقله) بالخمسة
- وبنلعب ( الصيجة )
- كام نقرة مسدودة
- و ( السابعة ) كورة شارب
- وشوية (غماية )
- ونحكى كام ضحكة
- لما البلح ينزل
- نجرى على التوهة
- تخطف ملامحنا
- والحزن جارى يجري
- والضحك كان أكفان
- الضحكة ماتت مننا
- والكل بات زعلان
- لما غابت (شمس )
- أحلى بنت ف حيينا
- شاخت النخلات
- معدتشى تتطرح فرح
- حتى ف يوم التلات
- ما حد يسمع حس
- كنا طالعين ع (القرافة )
- بنوزع الرحمه
- ماتت ست البنات
- مفيش خلاص
- ( رحمة )
جريده/شعريه,ثقافيه,أدبيه,فنيه,متنوعه
الأحد، 24 يناير 2016
مشاهد من يوم قديم ــــــــــــــــــــــــــــــ لــ أحمد بدران
الاشتراك في:
تعليقات الرسالة (Atom)
ليست هناك تعليقات:
إرسال تعليق