- يا ربى يا مطلع ع الحال
- يا خالق كل شئ بجلال
- انا تايه فى دنيا الناس
- و جوا منى الف سؤال
- جميعهم ... هو ليه الخوف
- و ليه النفس مش بتشوف
- و ليه العدل مش منصوف
- و ليه الحق مش يتقال
- و ليه سير الخطاوى بطئ
- و ليه الظلم اسهل شئ
- و ليه سكك الحياة بتضيق
- و ليه مش لاقى راحة البال
- و ليه دايما انا مخنوق
- اقدم حلو الاقى السوء
- و لحظة لما تيجى تروق
- الاقى الحمل فجأة مال
- كتير يا ربى باتحمل
- و لا فكرت اتجمل
- و ادارى الجرح و باكمل
- و صابر و الليالى طوال
- باطبطب ع القلوب بشويش
- ما باحسبهاش كما الدارويش
- و عشمان بس انى اعيش
- و اكون جوايا مش رحال
- الهى ... و انت اعلمبى
- يا شايف كل متخبى
- انا محتاج تكون جنبى
- و تهديلى يا رب الحال
جريده/شعريه,ثقافيه,أدبيه,فنيه,متنوعه
السبت، 30 يناير 2016
ياااا ربى #فهمى_على
الاشتراك في:
تعليقات الرسالة (Atom)
ليست هناك تعليقات:
إرسال تعليق