- إوعى تفتكرى إنى خاين
- م إللى واضح وإللى باين
- عمرى ما عرفت الخيانه
- ولا قالوا عنى خاين
- الحكايه...............
- الحكايه إنى تُوهت
- جوا أضواء المداين
- إنبهرت بناس كتير
- كانوا شوك زى الحرير
- كنت فرحان أوى بيهم
- كنت م الفرحه بطير
- وإكتشفت مكرهم
- ناس ومعدومة الضمير
- زوءوا كتير الكلام
- وخادونى ف بحرهم
- حسسونى بالغرام
- لما قلت . بحبهم
- وفجأه
- بعدوا عن عيونى
- وحرمونى منهم
- كنت واحد زى غيرى
- فى حياتهم وإنتهيت
- خدوا منى كل خيرى
- حلم أخضر ويا بيت
- ذكرى باقى بس منها
- أهه وكلمة ياريت
- درس وإتعلمته يمكن
- مستحيل راح أكرره
- لو يعودو حقول لا يُمكن
- دنا قلبى بقدروا
- قلب شاعر لسه أخضر
- والخداع
- الخداع ما أكتره.
جريده/شعريه,ثقافيه,أدبيه,فنيه,متنوعه
الأربعاء، 20 يناير 2016
درس وإتعلمته . بقلم أحمد شاهين
الاشتراك في:
تعليقات الرسالة (Atom)
ليست هناك تعليقات:
إرسال تعليق