- نفسك أنافق وأقولك يا باشا
- وهلّس ودلّس وجامل عكاشه
- وكبّر صُغير وصغّر كِبير
- واحط المبادئ ف حته أماشه
- وشخبط ولخبط وبيع الضمير
- واريح دماغي وأخد أجازه
- وقبلك بهيصه وباقة عبير
- وأهمس برقه وحبة سياسه
- وقولك سيادك وقولك جنابك
- وأفرح بأكله وحتة كنافه
- وأظهر ف عين الغلابه كبير
- والاقي موده والاقي إنتعاشه
- وألبس ولا بس ولادي حرير
- وأمسح تاريخي بفرشة نقاشه
- وأرفض أصاحب مواطن فقير
- واحب الوجوه اللي فيها البشاشه
- والاقي اللي ياخد بإيدي كتير
- واهيص واغرق ف وسط العفاشه
- وفيه اللي يردم عليا بجير
- ويرفض يقرب يشوف التعاسه
- وافضل مطاطي كأني أجير
- واحلم الاقي في إيدي الحيازه
- واعمل قنايه وسكه وبير
- وقاطع حميده وصاحب عماشه
- وأرتع وبرطع ف وسط الحمير
- وعقلي ومزاجي ف قلب الازازه
- واخون الامانه واخون الضمير
- وابويا اللي ربّه يقيم الجنازه
- ويرفض يشفني ف مشهد أخير
- وتبقي نهايه وتبقي إنتكاسه
- أسف يا فندي أسف يا باشا
- عمري ما هقبل بذله وتعاسه
- عذرا يا فندي عذرا يا باشا
جريده/شعريه,ثقافيه,أدبيه,فنيه,متنوعه
الأحد، 31 يناير 2016
أسف يا باشا بقلم / طه إبراهيم
الاشتراك في:
تعليقات الرسالة (Atom)
ليست هناك تعليقات:
إرسال تعليق