- خيالى مريض
- وياما أخدنى بجناحه
- لدنيا بعيد
- سافرت معاه بأشواقى
- بحلم وليد
- بقيت طاير بألف جناح
- وحاسس إن دا يوم عيد
- بنيت فى قصور وعاليتها
- وكانت دنيا حبيتها
- ومعنى جديد
- وفجأه وقعت م العالى
- وساء حالى
- صبحت شهيد
- لكنى فى عالم الواقع
- أنا إنسان
- بنفس الصوره والعنوان
- بلا ألوان . بلا تمجيد
- لا عمرى فى يوم
- راح أتجمل ولا هكذب
- ومن إمتى الخداع بيفيد
- أنا إنسان
- ومُسلم صاين الأركان
- بصلى واصوم
- وبتصدق بما فى الإيد
- بعيش يومى كدا بيومه
- وقلبى غرقان فى همومه
- وفى التنهيد
- خيالى . لسه بيعانى
- من الأوهام
- لا نيمنى ولا هو فى يوم
- بينام
- خيال عربيد
- بيسّكر . ماشى يطوح
- وقلمى لسه اهو
- فى الإيد
- بيكتب كل إحساسى
- معايا وياما بيأسى
- لكنى أشهد له
- بالتوحيد
- قلم مُسلم وإسلامه
- لا عمره يهد أحلامه
- وإبداعه
- أمل ونشيد.
جريده/شعريه,ثقافيه,أدبيه,فنيه,متنوعه
الأحد، 31 يناير 2016
نــبــض قــلــم . بقلم \ أحمد شاهين
الاشتراك في:
تعليقات الرسالة (Atom)
ليست هناك تعليقات:
إرسال تعليق