( ماشية الحياة) السيد أنور

• ماشية الحياة بالعكس..
• ووصلت ﻵمبارح...
• بحلم قالولى ريﻻكس..
• دالصبر مش فالح..
• 
  
• جوايا ميت مشكلة...
• ياأعيش ياإمافﻻ..
• دى السكة متقفلة..
• وطعم السنين مالح..
• وماشية الحياة بالعكس..
• ووصلت ﻵمبارح...
• 
  
• باجرى كما الرهوان..
• بين سكة ومفارق..
• مش ﻻقى إيد إنسان.. 
• تتمد.....لمفارق...
• 
  
• تاية فى دنياالناس..
• والحب مات وإنداس..
• وإزاى يكون لى راس..
• وأنا ضايع رايح..
• 
  
• حياتى ريشة وعود..
• بيدندنوا الكلمة..
• وإزاى أكون موجود ...
• وياكوا فى اللمة..
• سككوا متسلكة ...
• واصلين بدون لعبكة..
• لية قلبى لما إشتكى ...
• كان الجواب جارح...
• وماشية الحياة بالعكس...
• ووصلت ﻵمبارح...
• 
  
• عتمة الحياة والضى...
• فى الدنيا مالة وجود..
• دالحب لو كان حى ...
• كان يبتسم ويعود...
• مكتوب أدوق الشقى ..
• وأيدية متشققة...
• وبحن للشقشقة....
• مالقيت لها مﻻمح..
• وماشية الحياة بالعكس...
• ووصلت ﻵمبارح...