قول يا قلم ... بقلم الشاعر / محمد ابوالفتح
- قووووول .....يا قلم..... محمد ابو الفتح
- قالواياقلم اكتب نطق وقال القلم ضاعـت مني الحــروف
- ونشف كل الحبر من سني وصبــح عن الكـلام مـكتـوف
- قالوا قول ياقلم الحكاية قال من اللي حـصل انا مـكسوف
- شفت شباب وبنات مــن سنـي تــاهوا في بحـــر الخـوف
- وصرخنا كمل ياقلم حكايتك احكـي وقول على المكشوف
- وسال حبرالقلم على الورق وكتب ده اللي جرى معروف
- حلم الصبايا اتقتل في سوريا واليمن تعال واتفرج وشوف
- وفي العراق قبل ليبيا وغيـرها من بلاد العـرب موصوف
- اركب سفينة عينيك وفي بحار الجنون تعـال بحر وطـوف
- حتشوف اطفال عراياولحن الهموم على الوشوش معزوف
- حتشوف صبايا حيارى في الصحارى وبدل الصبية ألـوف
- باكيين على امبارح خايفين يجى بكرة وبصرالأمل مكفوف
- وبكينا من الالم ويا القلم ونبض القـلب بيدوى زي الــدفوف
- وسكت القلم وققل الكتاب وقال خلاص السـن بقى مقصوف
- محمد ابو الفتح....
ليست هناك تعليقات:
إرسال تعليق