أنا بنت شقيه ... كلمات الشاعر / عصام سعد زغلول
- شعر العامية ..
- أنا بنت شقيه
- أنا بنت شقيه...معجونه بمية عفاريت
- أنا زى النحلة أطير..واجري زى الكتاكيت
- أنا شغلي كله عطاء ولعبي أكل الفتافيت
- أنا بنت شقيه
- أنا ناصحه وفاهمه ولماحة
- وحياتي عطاء مفيهاش راحة
- وبحب جيراني وخلاني
- وبحب الحب مش ب أباحه
- أنا بنت شقيه
- أنا حلوه بجد وحواجبي مرسومه ع القد
- ورموشي طويلة وكحيله
- وعيوني سود بس جميله
- احلامى كلها ورديه
- وحياتي حلوه ونديه
- ودراستي لغاية الثانوية
- وعشان كده أنا بنت شقيه
- أنا بنت شقيه
- أنا كنت شقية ونجحت خلاص في الثانوية
- ودخلت الجامعة ودراستي ..طبيبة بشرية
- وراح ارسم احلامى تانى.... ..و بجدية
- واشرف اهلى واخدم بلدي.... بوطنية
- أنا كنت شقية
- بقلم/ عصام سعد زغلول
ليست هناك تعليقات:
إرسال تعليق