------وضاع العمر-------------------------
وضاع العمر
ومن ايدينا اتسرسبت
أيامنا يوم يودّع يوم
وشهر يودّع شهر
بكتنا الليالى
على حالنا
وبكينا قهر
اتخدعنا واتغشينا
فيك يازمن
وليه كان الغدر
وضاع العمر زى
ماضاعت حاجات كتير
الأمان والحنان اتبدّلوا
ف حياتنا ألوان
وسجّان وأسير
اتبدّل الجمال
والدلال بغير
فين الحرير؟
فين بستانك يازمن؟
فين العبير؟
وضاع العمر
كان قطر
من غير وقفات
أو محطات
ما يعرفش
اختراع اسمه
الصبر
لا بيستنّى
ولا بيتأنّى
ولا بيخلينا يوم
نتهنّى
مساحته يدوب
شبر --شبر
على الأرض
وبعديها نبكى حالنا
لحظة دخول
القبر
الشاعرعبدالجوادخاطر
ليست هناك تعليقات:
إرسال تعليق