قصيده بعنوان الغزاله بقلم الشاعر صابر الطوخى

 

 

قـالـــوا، الغـــزاله بتسبيله
من رموشــها وقعتــــك

قلـت،دى مش غــزاله دى آرق
وآجمـــــل حـــــوريه

قالـــــوا،وف بحـــر عيـونها
عــــومتك وغــــرقتك

قلت،ومالوا تعومنى وتغرقنى
آحسن متشمت العوازل فيا

قالـــوا،بس دى خطفتـــــك
وبيـــن ضلوعها سجنتك

قلت،وان قتلتنى وانا ساكـــن
نبضها متنازل عن الديه

قالــوا ياعــــم فــــوق
مش يمكن تكــون خــدعتك

قلـت أنا آدرى بقلبــــها
اللــى مـديله مطلق الحـريه

قالـــوا لدرجــادى سحــرتك
لدرجـــــادى توهتـــك

قلت وانا محتاج ايه من الدنيا
غيـر حبيبه تعشقـنى

وتحسـنى وتخــــــاف علـيا

واتنـازل لهـا عن قلــبي
وروحي وعقلي وعمري هديه
بقلمى//صابر الطوخى