كلنا عايشين...شعر عامية..الهام شرف

كلنا عايشين في غربة
والدنيا دي ليلة فيها صبح ومسا
صباحها صورة بالألوان
ما فيش منها يا ناس اتنين
ساعات نصحى على نورها 
ونتبغدد
ونفرح لما تيجي الضلمة تبدد
عشان هنشوفهها بوضوحها
هنا أمي وشايفها
هنا أختى تضم أبوية في الروقان
ويحكيلها عشان تسمع صدى صوته يناديلها
في وقت المحنة والترحال
يصاحبها في ترحالها أخوية اللي رسم بسمة على وجهه
واكون جنبه
ما بهتزش ولو لحظة
لأن العيلة تهديني
سكون وأمان
لأن البيت بقى وطني
وانا وطني بغني واوزع الألحان
هنرجع تاني للصورة لأن الوقت مش كافي 
أنا ماشي كمان لحظة
وسارح فيها زي زمان
ما هي صورة بتجمعنا
لكن حقيقتنا فاتت عنها تسحرنا
تفهمنا انها دنيا
نعيش فيها لوحدينا
نموت في الحال
نموت بقلوبنا على كيفنا
وبعد الوقت ما يفوتنا
ندور تاني على روحنا
تكون روحنا تاهت منا
فنقرا الفاتحة على روح اللي كان عايش بينصحنا
وفات عنا 
يا قلبي كفاية أنا ناسي
وليه انت تبات فاكر
تعال نعيش كما الكل كمان عايش
ما تبكيش على امبارح
وبكرة الجاي يكون جارح
ما تندمش
لأن طريقنا راح يطول
هقولك ليه ما تسألش
عشان عايش هنا وحدي
كمان انت تكون عايش كده وحدك
بتهزمني
خلاص ديك النهار صاحي 
بيدن لاجل أقوم من النوم
كفاية يا حلم جوايا
ما ترسمش الأمل تاني
وتب عني وخاصمني
ما تهزمنيش كده كفاية
الهام شرف