بابا يا حبيبى ... بقلم الشاعر / محمد كامل موسى إبراهيم
- بابا يا حبيبي
- بابا يا حبيبي طال بعدك طال
- ده أنا عندي لك ميت ألف سؤال
- قالوا لنا العيشه علي قد الحال
- وانك سافرت لرزق حلال
- بابا يا حبيبي شاءت الأقدار
- انك تسافر وتفتنا صغار
- أنا وأختي واخويا وماما كمان
- اشتقنا نقابلك بالأحضان
- انا نفسي احكي لك عن وحدتنا
- وازاى عايشين هنا دنيتنا
- إن كانت الميه بتروينا
- وهدمه جديدة ح تكسينا
- من غيرك حبه يدفينا
- إن برد الليل شد علينا
- حبك وحنانك يكفينا
- من انسك ليه تحرم ليالينا
- بابا يا حبيبي يا ضي عنينا
- يا لله تعالي وطل علينا
- اشتقنا وزادت أشواقنا
- من كتر ما طال بنا فراقنا
- من يوم ما سفرت ورحت بعيد
- يوم ورا يوم شوقي لك بيزيد
- مش فرحتي اني لبست جديد
- دي الفرحة تكون ويايا في العيد
- العب وأصحابي يهنوني
- بوجودك يبقي الكل سعيد
- كلمات الشاعر
- محمد كامل موسى إبراهيم
ليست هناك تعليقات:
إرسال تعليق