ايدي على خدي شعر / زينب سالم عامية

هأفضل كده ايدي على خدي
لانك زعلان و بطلت تعدي
امتى هتنسى و تيجي عندي
أنا ان كنت زعلتك سامحني
ما انت برضه ساعات بتجرحني
خللي المرة دي انت تقوللي
انت حبيبتي و تيجي تصالحني
هأسامحك على طول صدقني
ما هو انت اللي بتلوعني
مرة تهدي و مرة تقوللي
انت يللي بشباكك سامعني
حتى هديتك قدامي بأشكيلها
بأخدها بحضني ليلاتي بأبكيلها
بتهون علي بعدك و تقوللي
أصبري أيوة راجع و اسألها
فاتحة الشباك مستنية يوماتي
سهرانة وحدي مع القمر ليلاتي
حتى نجوم الليل أهي بتقوللي
بكرة أهو جاي و هأمسح دمعاتي
طيفك أهو جاي هناك شايفاك
جاي يجري و أنا مستنياك
حتى بسمتك بتوقعني في هواك