معاكسه .... كلمات الشاعر / على عوض
- ............ معاكسة .............
- شافها ماشية سابقة دلالها
- وكأن مفيش ع الارض مثالها
- وبتدلع ع الواحدة
- ومفيش فى جمالها ولا واحدة
- مش عارف ايه غير احوالها
- قرب منها عشان بيعاكس
- وقال يا جميل
- فيه ايه بالك مشغول ؟؟
- بصت له بنص عين
- قالت لا ...انا مش من دول
- باين عليك شخص مشاكس
- ده انا اخلى اللى ما يشترى
- يتفرج على طول
- وسبقت وهزت اكتافها
- والغضب خشب اعطافها
- قرب تانى قال طيب نظرة
- او حتى بسمة وبلاش افلام
- انا بشوفك من زمن
- واتمنى يكون لى معاك كلام
- قفلت الحلوة جبينها وقالت
- قولت ده آخر انذار
- اللى بتقوله ده فى الاحلام
- انا بنت ناس مش مغرورة
- لكن واثقة فى نفسى تمام
- واللى زيكو هيخلوا البنت
- مشيها فى الشارع يبقى حرام
- وبسرعة صرخت صرخة ضعيفة
- وشالت سلاحها من الاقدام
- اتبجح وقال حركة سخيفة
- شاف كعب الجزمة عالى اخينا
- هرب من قدامها قوام
- بسمت بسمة جميلة خفيفة
- مشيت تانى سابقة دلالها
- وكأن مفيش ع الارض مثالها
- خاطرة عامية ...على عوض عطية
ليست هناك تعليقات:
إرسال تعليق