زوجه حسب الطلب د عمرو لطفي ,,,

 حياته تحولت الي جحيم ,,حاسس انه متجوز وكيل نيابه ,,مش مهتميه بيه والا بطلباته خالص ,
,اصبح كيف او مزاج عندها اها ترهقه بالطلبات ,,لها كيف عجيب في اختيار اسوء الاوقات للكلام معه حول المشاكل اما وهوا راجع الي البيت هلكان بعد يوم عصيب او وهوا بيريح قدام التليفزيون بيتفرج علي ماتش كوره ,

,الحوار معاها اصبح مفتضب جدا اتقاءا لاي مشاكل ,,عبارات ايوه طيب بكره ان شاء الله ربنا يسهل ,,مش اكتر
قرر ان يواجهه مشاكله معاها ,,ماهو مش حيفضل طول عمره في هذا القرف والتعب والنكد الذي لا ينتهي
خرج من تفكيره علي رنه موبايله ,احد اصحابه الفقرين ,,قاله علي فكره جميله ,في شحنه زوجات صيني نازله البلد ربوتات زي القمر بيقوموا بدور الزوجات ,,,
يا ما انت كريم يا رب ,,راح لمراته وقالها انه حيسيب لها البيت لانه حيتجوز من العروسه الصيني دي ,,ومش عارف هيا كده تبقي طالق والا لا,,, ومش في دماغه ,لم هدومه واجر شقه صغيره علي قده هوا والعروسه الصيني
وراح بات قدام محل العرايس دي علشان الصبح يشتري واحده
كان الزحام رهيب ,,ياه كل دول ازواج قرفانين في عيشتهم وعايزين عرايس صيني
بالعافيه عرف يجيب واحده ,,خدها تحت باطه وروح البيت
قعد يقرا الكاتلوج ويبرمجها علي كل طباعه ,,الغروسه يتعمل له الاكل الل يبيحبه,, ما بترغبش خالص ,,بتستمع له باهتمام,, وبتردد ايوه ,حاضر, بحبك ,,بتغنيله كمان الاغاني اللي بيحبها ,,بتسعد جدا باي كلام يقوله حتي لو كان مش مفهوم ,,بتضحك علي كل قفشاته ,,,,,لا بتقوله رايح فين والا جاي منين ,,
في يوم راح الشغل بعد ما اكل الفطار الهايل اللي حضرتهوله ,,ولبس لبسه المكوي بعنايه اللي كوتهوله ,,ولبسته الجزمه بتاعته ,,,وودعته ببوسه طويله ,,راح شغله وهوا في قمه السعاده ,,وكان مش صابر علشان يرجع البيت بسرعه بعد ما كان بيهرب من البيت
دخل البيت اول مره ما تبقاش مستنياه ,,,,,دخل عليها اوضه النوم ,,لاقاها شانقه نفسها ومتعلقه من رقبتها ,,وعليها ورقه بنقول ,,انتحرت من اجل الحريه,,انت كائن متتعاشرش,,, ,,
كم انت جبار ايها الزوج المصري ,,