صاحبت صاحب يا ناس
ومشيت معاه فى سكته
وبكت عينه كتير وشكالى
وصعبة عليا دمعته
واخلصتله النيه
وخدته فى احضانى
وفتحتله ايدايا
وقلت عليه أخ فى الدنيا
الاقيه ويلقانى
وبداية كلامه ناعم معايه
و الضحكه كانت دافيه
اتارى الأمر فيه أمر
والنيه كانت ليا
مش صافيه
وكل يوم يحكى
فى مواضيع
وكلامه معايا
على المشاريع
ورسملى خطه لاعمالى
وغوانى بمكسبها العالى
وشاركته انا بمالى
وهو كان بمجهوده
وعشان انا مأمنه
مضيت له على عقوده
من غير مأراها وافحصها
ولا اشوفها بعينى وادرسها
وبأيدى قضيت على نفسى
ومضيت له
ببيع كل ما تملكه نفسى
والكلمه كانت كلمته
يأمر ويحكم بقسوته
لعمل حساب الجميل
وجرحنى بجرح كبير
وسبنى لوحدى
فى شدتى
بقول
يا مصاحب الرجال
خد بالك اوى
من الصاحب
واعرف عدوك مين
وحرس عنه
ولا تختاره ليك
صاحب
وقرب من حبايبك
واختارلك من كل بلد
صاحب
يفيدك ما يضركشى
وافهم انا قصتى
وحكايتى
انا والصاحب
ليست هناك تعليقات:
إرسال تعليق