دنيا فيها متغرب بقلم الشاعر محمد كامل موسى

دنيا فيها متغرب
دنيا اتكتب لي فيها
أعيش ومتغرب
وساعة القرب لحبيبي
دايما بعيد بتتهرب
عن حبايبي وخلاني
عن قرايبي واخواني
وحيد بعيد بعيد ومتغرب
يعدي النهار يفوت ونار
تحرق في قلبي ولا حد داري
شئ باقتدار خلاه دمار
واللي بقربي عنه بداري
أسهر الليل النوم ما شوفه
أفكر بحالي واللي جرى لي
لا صوت بسمعه ينادي إسمي
لا فيه اللي يعاتبي ولا حتى يخاطبني
لا بنت تناديني ولا أم تواسيني
ولا اللي قلبي حبه داري بي
بتفوت الليالي وأيام توالي
وعمر يجري محسوب عليا
عن كل غالي أخبي وداري
ع اللي بيشوفه قلبي وعنيا
سألت النوم لو جاني
وطوّل لليله بيا
وإن طال كم يوم ونساني
مين ممكن يسأل عليا
غيب بعيد عايش وحيد
والدنيا مني شايله أكيد
لا مرعى لحبي ولا بر لأمالي
ومن موجه لموجه
علي طول انشغالي

كلمات الشاعر
محمد كامل موسى إبراهيم