عشتى عمرك كله ماعرفتى اللؤم معقوله
حاولت للمكر أعلمك مالقيت عندك ميوله
عشان كده بخاف عليكى من خطوه منقوله
بخاف تقولى كلمه تتمسك عليكى القوله
بخاف عليكى من شيطان فى صوره الرجوله
واخاف من كل ندل مشاعره بالغدر موصوله
أو شيطانه واخده أجر مدسوسه عليكى ومدلوله
أو صياد فارد شباكه يصطادك من اول جوله
رغم انشغالى مراقبك وراسى فيكى مشغوله
وأنشغالى بيكى حبيبتى مزود عليا الحموله
خايف عليكى من غدر الناس و تضيعى بسهوله
الناس ضعفت نفوسها والضمائر مجهوله
المكر والخبث والكره صارت ضفاير مجدوله
جوه قلوب البشر والخيانه عليهم مسدوله
يحركوا القلوب والنظرتنشط على كل عسوله
كنت عايزك تعيشى فى دنيا بالحب مأهوله
فيها ملايكه ومؤمنين زاهدين م بيخدوش عموله
أنت بتكتبى باليمين والناس معظمها شوله
الغابه مليانه بالديابه حتى عيونهم حوله
بيشوفوا الدنيا المقلوبه قدام عنيهم معدوله
بيشوفوا الظلم عدل والخيانه مقبوله
وأنت بريئه ورقيقه عن سوء الظن معزوله
مكانك مش هنا يابريئه مكانك بالسما الاولى
------------------------------------
وحيد أحمد (اهداء الى حبيبتى وبرائتها)
ليست هناك تعليقات:
إرسال تعليق