سلسله العلم والايمان ...للدكتور عمرو لطفى فرج

سلسله العلم والايمان الحلقه 29

اهلا بيكم

اي خليه من اول ما بتتخلق من الخلايا الاوليه علشان تشوف شغلها وعملها ,,بيبقي ليها عمر محدد 
,
,,العمر ده بيبقي غلي حسب الجهد اللي بتبذله الخليه دي في شغلها وطبيعه وظيفتها ,,وتعرضها للمؤثرات الخارجيه والضغوط

وفي هارموني رهيب بيحكم انقسام الخلايا حسب احتياجات كل عضو وجهاز في الجسم وبرضه طبيعه شغله

لو الخليه لاي سبب حصل فيها خلل معين ,,في اجهزه صيانه جواها بتحاول تصلح الخلل ده ,,لو كان الخلل ده فوق الاصلاح بتدي اوامر لجهاز تدمير ذاتي جوه الخليه بحيث الخليه تتدمر تماما زي الافلام كده تفرقع

العلماء اكتشفوا ن جوه الخليه في جهاز تاني للتدمير ,,بس بيقي تدمير محسوب وبدقه شديده لتحقيق اقصي استفاده من الخليه اللي حتضيع دي

لو اي جهاز في الجسم تعرض لضغوط معينه اهمها نقص المواد الغذائيه والماء والاملاح اللي واصلاله

الجهاز ده بيفكر تلقائيا ,طب الاكل اللي جايلي ده يكفي كام خليه ,,وكام خليه ممكن الاستغناء عنها ولا تؤثر علي الوظيفه العامه للجهاز ,,ويبتدي يحسب ان مثلا علشان ما يحصلش مشكله لازم 200 خليه يتفككوا ويخرجوا من حسبه التغذيه علشان الاكل يكفي الخلايا اللي فاضله وتقدر تستفيد من كميه الغذاء المحدود المتوفر حاليا

تبتدي هذه الاجهزه تشتغل في الخلايا اللي اختيرت علشان تتفكك

وبسرعه الخلايا دي بتتفكك الي اخماض امينيه بروتينات ومعادن وميه وتساهم في التغذيه كمان لباقي الخلايا

يعني حرفيا بيحصل التهام ذاتي للخلايا ,,,الجسم بياكل نفسه علشان يقدر يصمد قدام نقص الغذاء والماء من غير ما وظيفه الاعضاء تتاثر

هوا ده ببساطه نظريه الالتهام الذاتي او ال autophagy

والجسم بيختار الخلايا اللي مش ميه ميه واللي مش شغاله بكل كفائتها ويفككها بالفعل ويستفيد بيها كغذاء لباقي الخلايا

ولما الاحوال تتحسن والغذاء يبقي متوفر تبتدي تيجي اشارات للخلاياالام الاوليه بالانقسام علشان ترجع عدد الخلايا للوضع الامثل وتكون خلايا جديده وبتشتغل بكامل كفائتها

الجسم والاعضاء بتحسن نفسها ذاتيا كل شويه وكل ما تتعرض للضغوط وقله الموارد

من ضمن اهم الاسباب اللي بتدخل الخلايا الضعيفه في الالتهام الذاتي هوا النقص الحاد في الاكل والميه ,,يعني الصيام

تخيلوا ان الصيام بيدي فرصه للجسم انه يحسن من نقسه ومن كفاءه اعضاؤه ويستبدل الخلايا التالفه بخلايا اخري سليمه

مش كده وبس في بعض نظريات لعلاج الاورام في مجال تخصصي بتعتمد علي هذه الخاصيه وابتدينا نعرف شويه في بعض المفاتيح اللي تخلينا نجبر الخلايا السرطانيه انها تتفكك وتدوب لا وكمان الجسم يستفيد من مكوناتها بالفعل ,,نفس نظريه الكفته الشهيره

وبعد طرق العلاج بتعتمد علي ادخال الخلايا في حاله من الصيام برضه علشان نحفز فيها خاصيه الالتهام الذاتي دي

واكتشفنا العديد من البروتينات والانزيمات وحتي الجينات اللي بتتحكم في هذه العمليه من الالتهام الذاتي بحيث اننا نقدر نحدد الخلايا اللي الجسم ممكن ياكلها ويتخلص منها
خلصت حلقه النهارده

اتمني انها تكون عجبتكم