فى حُضن الليل . بقلم \ أحمد شاهين

يا نجمه فى السما طايره
يا دوب بلمحها بعنييا
يا أحلامى إللى مضطره
تعاتبنى بحنيه
توشوش رغبه جوايا
تأكد لى إنها هيه
بتنكر ليه غلاوتها؟
وخايف منها سوء نيه
قول إن إنت حبيتها
وفين إنت وفين هيه؟
دا عُمر الفرق ف الماده
ما يمنع روح بتتلاقى
ومهما فضلت تتمادا
تبات النفس مشتاقه
للمسه من ضفايرها
وهمسة حُب وبراءه
تعالى نعيش فى حُضن
الليل.........
نخلى البُعد يتلاقى
نخلى
البُعد
يتلاقى