انا ف ضهرك .... بقلم الشاعر مصطفى احمد

::*****انا ف ضهرك*****:::

ووراكي رجاله يابلدي
ارواحهم بتهون لعيونك
ولاتسوي الدنيا عندي
لو سهرة زعلانه جفونك

انا ضهرك واتحاما فيكي
ولو غابت شمسك سهران
يفرش ضي القمر اراضيكي
م السلوم ولحد اسوان

سابق اجري واعلى وعلي
سقف طموحك فوق العالم
سامع صوت الجد تملي
مصر علمها يفضل سالم

بص وشوف الهرم الاكبر
بالهمه و الصبر اترص
وفضل يزرع فيها يعمر
ويبني حضاره تسبق عصر

وساعة الغدر ماخطف الارض
هب الاسد الجندي عشانها
يفدي بروحه ويحمي العرض
يطحن لو فكر يعاندها

بقلم مصطفي احمد