سميتونا اطفال شوارع
وحراميه نشاليين
اترامينا قدام جامع
تدوسوا علينا وتقولو اسفين
وما فيش لينا قلب سامع
قافلين عيونكم يا متعلمين
يا غنى يالى اسمك عريق
فى كل حفله فى كل ندوه
سامتنى طفل فصيق
واقف جانبكم كانى عدوه
ابعد من ريحتك مش بنطيق
العيب فيكم ولا فينا
اصلى احنا خلاص مش فاهمين
لما لفينا فى المدينه
قولتو علينا شاحتين
كتبت ليهم القصيده
بطالب المسؤلين
راحت فين فلوس الخزينه
لما دول نامو جاعنين
العيب فى الرئيس ولاالشعب
لما نامو فى كل شارع
يداس عليهم جذمه بكعب
والف مين فيهم طامع
انا الطفل المصرى
اللى اتغدر بيا
لا عرفت اصلى وفصلى
من ذنب مش ليا
انا ابن البلد اللى انتو منها
وهيا دى امنا
واتسامينا كلنا ولادها
ما هو اصلى دمك من دمنا
عايشين ع ترابها
نحمى تاريخنا وعرضنا
قولتو عليا طفل شارع
وحق عمرى كله تاااه
انا لربى بس راجع
بشحت وطن لله
الشاعره\شيماء عبدالله
ليست هناك تعليقات:
إرسال تعليق