بتاخد روحي وياها
بصوت مكتوم
بلاقي الموت محاوطني
منين ما بروح
سارق مني أفراحي
مبدل سما عيني غيوم
وأقول أصبر على بختي
يمكن بكرة يتبدل
يمكن حظي يتعدل
يشيل الفرح كل هموم
بعدك أنا تايه
مليش حظ في الدنيا
مقتول الحلم جوايا
وم الآخر أنا محرووم
أنا اللي من بعدك
بقيت عايش على الذكرى
مغلف كل لحظة معاك
بطعم الحب
اراجعها مع نفسي
في الثانيه متين نوبه
ورافض أعيش في الحاضر
أنا اللي
بأحزاني بقيت موصوم
أنا الميت في إحساسي
وأنا الرافض أكون ناسي
وأنا اللي كل لحظه
من غيرك بموت فيها
ميت موته
أنا قصة عشق حدوته
يحكوها
أهل العشق بالساعات
لا تقول قيس ولا عنتر
محفور عشقي
قبليهم م البدايات
أنا بداية العشق ونهايته
أنا اللي نهايتي
حزينه في الروايات
أنا اللي نازله ستارتي
بالاسود في الحكايات
أنا الماضي وأنا الحاضر
وأنا العاشق
أنا اللي
من بعدك بقيت محروم
رافض دنيتي بعدك
وأعيش ازاي
من بعدك
وأنا عيني جفاها النوم
.................
بقلمي/ حمدي رمضان.ابوعمروالريشي
ليست هناك تعليقات:
إرسال تعليق