دافنشي جديد قصيدة للشاعر الناشط الثقافي سيد البالوي
- لا الكلمة الحلوة ف يوم تهجر
- ولا ذكرى العشرة بتتلاشى
- ولا ضلمة سور زى السكين
- محتاجه مباحث نباشه
- دا الكل اتمنى ف يوم يعرف
- شكل الجنة
- لون الأنهار
- طعم التفاحة اللى اكلها
- وف لحظة لقيه بير الاسرار
- والرقة المليانه القسوة
- والضى الكاشف ف الننى
- بيقين مبعوث رب العالميين
- ازاى يتحول يبقى كابوس؟
- والكل يخوض بفؤاد مخضوض
- وسراب ابيض لكن ظلمات
- وضباب على اد ما فيه شفقة
- فيه اللى بيلعن دى الأسباب
- وبيلعن طيبة شوق قلبه
- و بيلعن انه وثق ف الناس
- والأمر بسيط للى بيفهم
- ميقولش ازاى ولا ليه ولا لا
- سيبوا الأرواح تحيى بروحها
- وتموت فتعود فيكم ارواح
- مش فارقه كتير مين الواضح
- ولا فارقه كمان كام واحد راح
- الشمس لهيب وبنعشقها
- والضلمة حنان
- وبنكره يوم
- تبقى معانا
- تبقى علامة
- باقية ف القلب اللى عشقها
- بس الاسوار خلاته احتار
- واتقطع ميت مليون حته
- هى البسمة فعلا بسمة
- ولا البسمة دى دافنشي جديد؟
- الأجمل فينا إنا نفكر
- ازاى بنسيب العمر يفوت؟
- وازاى بنعاشر بالحسنة؟
- وبنرجع نسأل روحنا دا مين؟
- هو الإنسان فعلاً مؤمن؟
- ولا العاشق مبقاش بيقين؟
- ولا احنا خلاص مبقاش فينا
- غير التشكيك والهتك مباح
- صونوا الاسرار وبلاش نسأل
- يمكن دى الروح تهنى وترتاح.
- #دافنشي
ليست هناك تعليقات:
إرسال تعليق