اه يا دموع العين
سايلة على خدها
وافتكرت ولدها
يوم الوداع
شاور بإيده
وما تحزنيش
راجع كمان كم سنة
هو وطن وكلمتي متسجلة
رايح يا أمي كم بلد
وف ظرف يوم أو يومين هتصل
يعنى الكلام كده وصل
ودع بإيده ألف عام
ونظر بدمعه عالفلا
أمي هنا
وأبوية فاتني من سنة
وهوضك عاللي يهون
وادعي يا أمي اني أكون
ابن البوادي والحضر
وارجع همام للي حضر
واتباهي إن العطشانين
شربوا كاساتي من الهنا
يا دنيا وياكي الأنين
كلى أمل
إبقي على عيشي القليل
واوعي الملل
صنت الخليل لكن لقيتله ميت خلل
صاير عميل ضدي أنا
أمي صراخك بسمعه
بستسمحك عن كل صرخة ألم
أمسك بنادق في الفضا
وارمي العدا
وارفع علم
واطبع على جبيني بقلم
ضحكة رموشك في الخلا
اللي اتعدم
وارسم خطاوي سكتك
داير بقول اني هنا
ومصدقة
ابنك شهيد لكن في إيده لؤلؤة
يوم اللؤى
راح اشربك من كاس همم
وافرد جناحي في الفضا
لا تحزني قد صرت نارا من علم
وتصدقي إنت السبب
ومنايا أرجع من جديد
زغرودة يا أم الشهيد
ابنك عريس والليلة دي سميها عيد
يا اهل حارتنا فرقوا
شربات على ابني الوليد
وأمانة لازم تجبروه
إنه يكون زي أبوه
يحلم يكون انه شهيد
بلدي أصيل مالهوش تمن
زغرودة يا أم البطل
زغرودة يا أم البطل
ليست هناك تعليقات:
إرسال تعليق