ما فيش معنى..شعر عامية...الهام شرف

وتيجي الزفة بعد العيد
ما فيش معنى
ما فيش حب بيجمعنا
ولبس جديد
وغنيوة أمل بكرة
كبار وصغار على فكرة
يملوا أكيد
ساعات الحب عالأوتار
يقيد النار
ساعات شمعة في وقت الضلمة تبعت نور
هنا وسرور
ساعات القلب يوجعنا
بدون شكوى
ساعات يكيدنا عزالنا
لكن نبقى ما نتغير
ساعات نحتار
ساعات بنقول هننسى بجد
ومالناش حد
ساعات الكلمة مش راضية
ساعات البحر يتمايل
بموج ثاير
وتيجي سفينة تتحايل
ساعات نغرق بدون آثار
ساعات نشكي ساعات نبكي
ساعات الضحكة بتلالي
بتعزف لحن رباني
ونتعجب
ساعات نتمنى نبقى كبار
وكنا صغار
ساعات نصغر على الأيام
وييجي منام يصحينا
ما دام قدمنا بإدينا
ما فيش ملام
يا دنيا تبدد الأحلام
في ثانية بننسى ماضينا
ساعات حاضر ساعات حالي
بيمشي كإنه ما جاني
يقولي سلام
لكن باقية وهتأمل
هقول للكل يتجمل
عصا موسى هتتكلم
سفينة نوح
أنا مجروح
لكن جرحي دواه الطيبة والخلان
عشان إنسان بيتعلم
لحد الموت
الهام شرف